Tema og faggrupper
Statsforvaltaren i Vestland har fleire oppgåver innan opplæring i kriminalomsorga enn å sjå til at innsette i norske fengsel får tilbod om opplæring.
Utdanningsdirektoratet har delegert nasjonale faglege koordineringsoppgåver for opplæringa innan kriminalomsorga til Statsforvaltaren i Vestland (SFVL). Utdanningsdirektoratet administrerer den øyremerkte statlege tilskotsordninga, og SFVL bidreg til kvalitetssikringa av denne.
Retten til opplæring og utdanning er den same for innsette i fengsel som for andre borgarar i Noreg. Fylkeskommunane er fagleg og administrativt ansvarlege for opplæringa i fengsla, og det er lokale vidaregåande skular som har det praktiske ansvaret for gjennomføringa.
Statsforvaltaren i Vestland har òg ansvar for ulike oppfølgingsoppgåver, ofte i samarbeid med andre. Vi har dessutan teke initiativ til ei rekkje faglege og pedagogiske utvekslingstiltak for å styrkje området opplæring innanfor kriminalomsorga.